قصص نجاح علاج الأورام الليفية بعد قسطرة الرحم
من اشهر المريضات التى تم علاجهم بالقسطرة الشريانية بنجاح و بدون اى مضاعفات هى كونداليزا رايس وزيرة الخارجية الأمريكية السابقة و التى اختارت علاج الياف الرحم لديها بعملية قسطرة الرحم نسب الأمان المرتفعة و لأنها استطاعت العودة لعملها فى وقت قصير للغاية بعد انتهاء القسطرة بنجاح
تفاصيل نجاح العملية فى الأخبار : اضغط هنا أو
فى جريدة النيويورك تايمز اضغطى هنا
أخبار أخرى عنها فى السى ان ان هنا
عزة م (جمهورية مصر العربية):
azza_mohamed@glass-garments.com.eg
السلام عليكم ورحمة الله وبركاته
انا اسمى عزه وعمرى 26 سنه
اولا احب اشكر الدكتور سمير عبد الغفار جدا والسبب هاتعرفوه فى السطور اللى جايه
انا متجوزه من سنه وشهرين من سنه تقريبا كنت حامل وبعد 3شهور الجنين مات واكتشفت انى عندى ورم ليفى فى الرحم ومكانه وحجمه خلوه هو المتهم الاول فى موت الجنين . المهم رحت لاكتر من دكتور علشان اعالج الموضوع ده وطبعا اى واحده فيكم بتمر باللى بقوله ده اكيد عارفه انها بتبقى ذى الغريق اللى بيتعلق باى قشه. رحت لاكتر من عشر دكاتره وبدون داعى لذكر اى اسم منهم بس هم كلهم كبار سننا ومقاما وكلهم اجمعوا انى حالتى مالهاش اى علاج غير الجراحه وقالوهالى بعد العمليه انسى موضوع الحمل لان احتمال حدوثه هاتبقى ضعيفه جدا. دكتور واحد بس اللى قالى فى علاج وهو القسطره انسب علاج لحالتك وطبعا كنت اول مره اسمع عنها وسألت كل الدكاتره اللى قلتلكم عليهم من شويه دول ونهونى عنها واعدوا يقولولى كلام كتير ويخوفونى منها وكلهم رفضوها وحذرونى انى اعملها ولا حتى افكر فيها.رجعت للدكتور اللى قالى على القسطره وهو على فكره دكتور امراض نسا وقلتله انا عاوزه اعمل القسطره وفعلا هو بنفسه اللى كلملى الدكتور سمير وعرفنى بيه ورحت وسالت عن كل حاجه لقيت الموضوع مختلف عن كل اللى سمعته من دكاترة امراض النسا. وخدت قرار انى اعمل العمليه فعلا وعملتها شهر مايو اللى فات وفعلا كل حاجه حصلت من ساعة ماعملت العمليه لحد اللحظه اللى بكتب فيها الكلام ده بالحرف الواحد ذى ما الدكتور سمير قالى عليها بالظبط
بجد كل الالم اللى كنت عايشه بيه السنين اللى فاتت ده راح بعد القسطره مابقاش فى اى وجع تانى خالص وفعلا بعد اول شهرين عملت السونار ولقيت ان الورم حجمه نزل 70% من حجمه قبل العمليه وبعد الست شهور عملت تحاليل ولقيت ان كل حاجه مظروطه ومافيش اى مشاكل ظهرت خالص ونشاط الرحم والمبايض عادى وكمان اشعة الرنين المغناطيسى اكدت ليا ان الورم دبل ومات وفرغ محتوياته ويقى خلايا ميته وحجمه صغر جدا ومابقاش منه اى مخاوف
انا حبيت اقولكم الكلام ده علشان اى واحده سامعه من اى دكتور اى كلام كدب عن القسطره انا عملتها وبقالى 7شهور دلوقتى وماحصلتليش اى اعراض جانبيه فى اى حاجه وعايشه حياتى بشكل طبيعى .
ع. م. ف. من المملكة العربية السعودية:
abeerelshoo2@hotmail.com
السلام عليكم
أنا كنت أعاني من ورم ليفي على جدار الرحم بحجم 6 سم
وكنت أعاني من فقر الدم بسبب النزيف المصاحب للدورة الشهرية مما كان رأي كثير من الأطباء المختصين بأمراض النساء والتوليد أن يتم استئصال الورم ولكن في حال حدوث مضاعفات يتم استئصال الرحم
لكن بفضل من الله سبحانه وتعالى ثم بفضل الدكتور سمير عبد الغفار انتهت معاناتي
بعد إجراء هذا النوع من العمليات ( قسطرة الرحم) والحمد لله تحسنت حالتي حيث قل النزيف الى الدرجة الطبيعية مما عاد على صحتي الجسدية والنفسية بنتائج ايجابيه.
ف .أ . من جمهورية مصر العربية.
عمرها 33 عاما كانت تعانى من نزيف شديد و آلام شديدة أثناء الدوره الشهرية لمدة عامين منذ ظهور أعراض الأورام الليفية. تم عمل جميع الفحوص الازمه قبل العملية. بعد القسطره تحسنت الدوره الشهرية وعادت لطبيعتها تماما بعد 3 أشهر من العمليه و يمكن رؤيه أفلام الرنين المغناطيسى بعد 6أشهر من المتابعه ونلاحظ وجود ضمور مبهرللأورام بدون جراحه .
قبل القسطرة بعد القسطرة
ن. ع. من جمهورية مصر العربية
عمرها 36 عاما كانت تعانى من نزيف شديد أثناء الدورة وحضرت للعيادة بنزيف مستمر و أعراض فقر دم متقدمة للغاية. إستدعى ذلك عمل قسطرة فى اليوم التالى لوقف النزيف الشديد الذى كان يمكن أن يؤدى إلى إستئصال كامل للرحم و خطورة على الحياة أثناء الجراحة لتدهور حالتها الصحية. بعد عمل القسطرة توقف النزيف فى الحال وعادت الدورة الشهرية لطبيعتها فى الشهر التالى من عمل القسطرة وهى تمارس حياتها بشكل طبيعى الآن مع احتفاظها بالرحم و فرصة الانجاب فى المستقبل.
شاركى قصتك فى علاج الأورام الليفية بالقسطرة مع الآخرين
يمكنك إرسال قصتك أو تجربتك مع قسطرة الرحم على: doctor@samirabdelghaffar.com
يمكنك أيضا المشاركة فى منتدى علاج الأورام الليفية من خلال هذا الرابط